राजु थापा, फागुन ९, कालिका,

विश्व डाटा दिवसको अवसर पारेर चितवनमा पनि शनिबार खुल्ला डाटा दिवस मनाईएको छ । विश्वमा सन् २०१४ बाट मनाउन लागिएको सो दिवस चितवनमा भने पहिलो पटक मनाउन लागिएको हो । सरकार र विभिन्न गैर सरकारी निकायले नागरिकले पाउन सक्ने र पाउनैपर्ने डाटाहरु नपाईरहेकोले यस्तो अन्र्तक्रिया गरि दिवस मनाउन लागेको कार्यक्रम संयोजक तथा सल्यानी टेनोलोजिका प्रबन्धक नवराज पौडेलले बताउनु भएको थियो ।

 

कार्यक्रममा चितवन जिल्लाको फ्रि ओपन डाटा सोर्स अफ टेड्र , सल्यानी टेनोलोजी, काठमाडौ लिभिङ ल्याबको आयोजना रहेको थियो भने चितवन जिल्लाका गैरसरकारी निकायका प्रतिनिधिहरु, डाटा कलेक्शन गर्ने संस्थाहरु लगायतको सहभागितामा अन्र्तक्रिया सम्पन्न भएको थियो ।