काठमाडौं, माघ २७ । 

सरकारद्धारा  सरकारी सार्वजनिक सवारी साधानमा नयाँ भाडादर कायम गरेको छ ।

 

यात्रुवाहाक बसमा २।३ ,ट्याक्सीमा १।६ र ढुवानी तर्फ तराईमा चल्ने ट्रकमा ५।२८ र पहाडमा ४।३७ प्रतिशत भाडा कटौती गरीएको छ ।

 

यसैबिच व्यवस्थापिका संसदको विकास समितिले सार्वजनिक यातायातको तत्काल वैज्ञानिक मूल्य निर्धारण गर्न यातायात व्यवसायीहरुलाई निर्देशन दिएको थियो  । 

 

आज विहान सिंहदरवारमा बसेको समितिको बैठकले पेट्रोलियम पदार्थको मूल्य पटक–पटक घट्दा पनि सार्वजनिक यातायातको भाडा नघटेकोमा गम्भीर छलफल गरेपछि यस्तो निर्देशन दिएको हो । 

 

पछिल्लो समय यातायात व्यवसायी र चालकले दादागिरी गर्ने गरेको ठहर गर्दै समितिले दादागिरी तत्काल रोक्न पनि निर्देशन दिएको छ । 

 

यातायात व्यवसायीहरुले भने सरकारले ठोस नीति ल्याउन नसकेकाले यस्तो समस्या आएको बताएका थिए । उनीहरुले केही दिनमै वैज्ञानिक भाडा दर तोक्ने आश्वासन पनि दिएका छन् ।