विराटनगर, २७ माघ ।

प्रशासनिक सेवालाई प्रभावकारी बनाउन जिल्ला प्रशासन कार्यालय मुद्दा शाखाका कर्मचारीहरूका लागि आधारभूत न्याय कानुनसम्बन्धी अभिमुखीकरण तालिम सोमबारदेखि यहाँ सुरु गरिएको छ । 

गृह मन्त्रालयको आयोजनामा छ दिनसम्म चल्ने तालिममा पूर्वाञ्चलका १६ वटै जिल्ला प्रशासन कार्यालय तथा पूर्व क्षेत्रीय प्रहरी कार्यालयका मुद्दाफाँटमा कार्यरत २५ कर्मचारीको सहभागिता रहेको छ । 

तालिमको पुनरावेदन अदालतका मुख्य न्यायाधीश डा आनन्दमोहन भट्टराइले उद्घाटन गर्नु भएको थियो । तालिममा सहभागीहरुलाई मोरङका प्रमुख जिल्ला अधिकारी, सहायक प्रमुख जिल्ला अधिकारी, पुनरावेदन अदालतका न्यायाधीश तथा रजिस्ट्रारले प्रशिक्षण दिने कार्यक्रम रहेको जिल्ला प्रशासन कार्यालयले जनाएको छ । रासस