गौर ९ रौतहट, २५ माघ ।

सरकारले प्रत्यक्ष निगरानी गर्न नसक्दा सार्वजनिक यातायातमा अहिले सर्वसाधारण यात्रु ठगिने क्रम बढेर गएको छ । 

 

रौतहट, बारा, पर्सालगायत क्षेत्रमा यात्रुसँग मनपरी भाडा असुल्ने, यात्रु तानातान गर्ने, दुव्र्यवहार गर्नेलगायत काम हँुदै आएका छन् । सार्वजनिक यातायातमा अनियन्त्रित रुपमा विकृति–विसङ्गति मौलाउँदै गए पनि यसतर्फ यातायात व्यवसायीसँग आबद्ध सङ्घसङ्गठन नियमनकारी निकाय र स्थानीय प्रहरी प्रशासन मौन रहेको सर्वसाधारणले बताएका छन् । 

 

गौर, कलैया र वीरगन्जबाट सञ्चालित सार्वजनिक सवारीसाधनले मनपरी रुपमा भाडा असुल्ने काम लामो समयदेखि गरे पनि यसतर्फ कसैको ध्यान गएको देखिँदैन । वीरगन्ज–काठमाडाँै मार्गमा चल्ने टाटा सुमोदेखि एयरकन्डिसन भएका बससम्म तथा टेम्पुदेखि रिक्सा र टाँगासम्म सबैले मनपरी भाडा असुल्दै आएको गौर निवासी विनयलाल कर्णले गुनासो गर्नुभयो । 

 

उत्पन्न समस्याका बारेमा हालसम्म प्रहरीसमक्ष कुनै उजुरी नआएको र उजुरी आएमा कारबाही गरिने मध्यमाञ्चल क्षेत्रीय ट्राफिक प्रहरी कार्यालय पथलैया बाराका प्रमुख उमेश रञ्जितकारले बताउनुभयो । नारायणी यातायात बस व्यवसायी सङ्घ पर्साका अध्यक्ष प्रमोद राउत कुर्मीले यातायात सेवामा समेत प्रतिस्पर्धा बढ्दै गइरहेको र समयअनुकूल उच्चस्तरीय सेवा प्रदान गर्ने होड चले पनि व्यवसायीले यात्रुलाई नठगेको जिकिर गर्नुभयो । रासस