जितेन्द्र भण्डारी÷ पाँचथर,माघ २४,

जिल्लालाई आगामी जेष्ठ १५ भित्र साक्षर नेपाल घोषणा गर्न अहिले अभियानलाई तिव्रता दिन थालिएको छ । १५ देखि ६० वर्षसम्म उमेर समूहका ब्यक्तिहरुलाई साक्षर बनाउने उदेश्यले अहिले साक्षर नेपाल अभियानलाई तिव्रता दिन थालिएको जिल्ला शिक्षा अधिकारी ज्ञानमणि नेपालले वताउनुभयो । 

 

अभियानलाई सफल वनाउन अहिले प्रमुख जिल्ला अधिकारी प्रदिपराज कडेल,जिल्ला शिक्षा अधिकारी ज्ञानमणि नेपाल,तथा शिक्षकका पेशागत संघसंगठन,सरकारी कार्यालयका प्रमुख तथा प्रतिनधी गाउँ गाउँमा जाने थालेको जिशिअ नेपालले उल्लेख गर्नुभयो । आगामी जेष्ठ १५ भित्र जिल्लालाई साक्षर नेपाल अभियान घोषणा गरिसक्ने अभियानमा अहिले जिल्ला शिक्षा कार्यालय जुटेको छ ।

 

 यसअघि संचालन गरिएको साक्षर नेपाल अभियान खासै प्रभावकारी नभएकोले यस पालि खर्च पनि कम गर्ने उदेश्यले पढाउने शिक्षक समेत नराखी घरकै परिवारका सदस्य नभए छिमेकीको परिवारले भएपनि साक्षर बनाउनुपर्ने जिशिअ नेपालको भनाई छ । अहिले गाउँ गाउँमा प्रजिअ आफै साक्षर बनाउन लागि परेर हिडेका छन् ।