पर्वत, १५ माघ ।

दक्षिणी पर्वतको उरामपोखरा गाविसमा गुफा फेला परेको छ । 

 

गाविसको वडा नं ३ मा दुम्सी लखेट्न गएका गाउँलेले गुफा परेका हुन् । 

 

दुम्सी पच्छाउँदै जाँदा गुफा पत्ता लागेको स्थानीय एकनारायण काफ्लेले जानकारी दिनुभयो । गाउँले जम्मा भएर गुफाभित्र पस्दा विभिन्न आकृतिका मूर्ति देखेको काफ्लेले बताउनुभयो । गुफाभित्र गाईका थुन, द्वारेपालको आकृतिको मूर्ति, गणेश र शिवको आकृतिको मूर्ति फेला परेका छन् । 

 

करिब ४०० मिटर लामो गुफाको द्वारमा अध्याँरो भए पनि भित्रपट्टि भने उज्यालो प्रकाश देखिने गरेको स्थानीय जनककुमार भुसालले बताउनुभयो । गाउँलेले गुफा पत्ता लागेपछि खुसी हुँदै पूजाआजा गर्न थालेका छन् । रासस