विकास बन्जाडे, कपिलवस्तु असार २९ ।

सामाजिक सन्जालको व्यापक दुरुपयोग गदैं सम्माननिय राष्ट्रपति लगायत दलका शिर्ष नेता माथि गाली गलौज गर्ने १ जनालाइ कपिलवस्तु प्रहरीले प्रकाउ गरेको  छ ।

 

 राष्ट्रपति विद्यादेबी भण्डारीको गाडी खरिद प्रकरण संग जोडेर अत्यन्तै तल्लो दर्जाको अपमान जनक शब्द प्रयोग गरेर फेसबुक स्टाटस लेख्ने प्युठान घर भएका सोनुकुमार सुनार तौलीहवाबाट पक्राउ परेका छन् । विगत ६ महिनादेखी तौलीहवाको हुदा एफएममा प्राविधिकको रुपमा कार्यरत अनलाइसाइवर अपराध गरेको विषयमा अनुसन्धान गर्न पक्राउ गरिएको कपिलवस्तुका प्रहरी उपरिक्षक भोजजंग शाहले वताउनुभयो ।

 

नेपालमा प्रहरीले साइवर अपराधको नियमनका लागि विद्युतीय कारोबार ऐन २०६३ को प्रयोग गर्दै आएको छ । उक्त ऐनको दफा ४७ नेपालमा हुने साइवर अपराध रोक्न सबैभन्दा बढी प्रयोग हुने दफा हो । यस दफाले कम्प्यूटर, इन्टरनेट लगायतका विद्युतीय सञ्चार माध्यमहरुमा नैतिकता, शिष्टाचार विरुद्धका सामग्री, कसैप्रति घृणा वा द्वेष फैलाउने सामग्री प्रकाशन वा प्रदर्शन गरे दोषीलाई १ लाख रुपैयाँ जरिवाना वा ५ वर्षसम्म कैद वा दुबै सजाय हुन सक्ने व्यवस्था गरेको छ ।