खेम बोलखे, कालिका, १ बैशाख । 

पूर्वी चितवनको राप्ती नगरपालिका वडा नम्बर २ मा शनिबार साँझ सवारी दुर्घटना हुँदा १ जनाको मृत्यु भएको छ भने ९ जना घाइते भएका छन् । 

 

नारायणगढबाट हेटौंडातर्फ जाँदै गरेको ना१ज ३६०९ नम्बर टाटा सुमो अनियन्त्रित भई सडक छेउमा पल्टिएर दुर्घटनामा परेको हो । दुर्घटनामा परी मकवानपुर बसामाडी निवासी २१ वर्षिय गोमा बल्लभको मृत्यु भएको जिल्ला प्रहरी कार्यालय चितवनले जनाएको छ । 

 

यस्तै रत्ननगर नगरपालिका १० स्थित हरिहर मन्दिर अगाडि टाँडीबाट नारायणगढतर्फ आउदै गरेको बा १६ च ६४३५ नम्बरको कारले सोही दिशामा आउदै गरेको ना ३४ प २८२ नम्बरको मोटर साईकललाई ठक्कर दिंदा मोटर साईकलमा सवार २ जना घाइते भएको चितवन प्रहरीले जनाएको छ । 

 

मोटरसाइकल चालक बारा सिमरा बस्ने बर्ष २० को आकाश चौधरी र पछाडी सवार बर्ष २३ को दवेन्द्र बछार घाईते भई चितवन मेडिकल कलेज भरतपुरमा उपचार भइरहेका प्रहरीले जनाएको छ ।