सविता दराई, कालिका बैशाख १ ।  

सवारी दुर्घटनामा परी भारतमा दुई नेपालीको मृत्यु भएको छ । चितवनको माडी नगरपालिका ५ रमाईलो डाँडा  निवासी ३० बर्षिय शम्भु दराई र ५२ बर्षिय भुल दराईको मृत्यु भएको हो । 

 

रोजगारीको शिलशिलामा भारत गएका ती युवकहरु शनिबार बिहान आफ्नै कारमा नेपाल फर्किने क्रममा भारतको बरेली भन्ने स्थानमा कार अनियन्त्रित भई ट्रकसँग ठोक्किदा दुबै जनाको घटना स्थलमै मृत्यु भएको नेपाल दरै उत्थान समाजका कोषाध्यक्ष बाबुराम दराईले जानकारी दिनु भएको छ ।

कारमा चार जना सवार रहेकोमा २ जनाको घटनास्थलमै ज्यान गएको छ भने १ जनाको चितवनको नारायणी सामुदायिक अस्पतालमा उपचार भैरहेको छ भने अर्का एक जना सकुशल रहेको बुझिएको छ । माडी नगरपालिका कै अन्दाजी २३ बर्षीय भीम दराईको अवस्था गम्भीर रहेको छ भने २५ बर्षिय आशिस दराई सकुशल रहेका छन् । शबलाई शनिबार नै नेपाल ल्याएको छ भने आफन्तले बुझेर अन्तिम संस्कार गरिएको नेपाल दरै उत्थान समाज चितवनका उपाध्यक्ष मंगलराज दराईले जानकारी दिनु भयो ।