विराटनगर, फागुन १८

झापा र उदयपुरमा रुखले किचेर एक बृद्धा सहित दुईजनाको मृत्यु भएको छ । झापाको शान्तिनगर –१ मा रुखले किचेर ६५ बर्षिया रुपमणि चापागाईको मृत्यु भएको छ ।

 

श्रीमान् देवीप्रसाद चापागाईले दाउरा बनाउन घर छेउमा रहेको रुख काट्ने क्रममा अचानक ढलेर किच्दा गम्भिर घाइते भएकी चापागाईंको उपचारको लागी अस्पताल लैजाने क्रममा हिजो साँझ बाटोमै मृत्यु भएको प्रहरीले जनाएको छ ।  

 

त्यस्तै उदयपुरको बेलटार बसाहा नगरपालिका –४ मा दाउरा काट्न जंगल गएका स्थानिय २० बर्षिय दिपेश सुबेदीको रुखले किचेर मृत्यु भएको छ ।

 

घर नजिकै रहेको जंगलमा दाउरा काट्न गएको अवस्थामा अचानक रुख लडेर किच्दा गम्भीर घाईते भएका सुवेदीको उपचारको लागी विराटनगर ल्याउने क्रममा हिजो साँझ बाटोमै मृत्यु भएको पूर्व क्षेत्रीय प्रहरी कार्यालय विराटनगरले जनाएको छ ।