उद्धव घिमिरे

विराटनगर, फागुन १५

सुनसरी र सप्तरीमा गएराती भएका छुट्टाछुट्टै सवारी दुर्घटनामा एक प्रहरी सहायक निरिक्षक सहित तीन जनाको मृत्यु भएको छ । 

 

सुनसरीको इटहरी उपमहानगरपालीका –२० स्थित पूर्व पश्चिम राजमार्गमा राती साँढे ९ वजे ना २ ख ५८२८ नंम्बरको ट्रकको पछाडी को ५ प ६६१५ नंम्बरको मोटरसाइकल ठक्कर खाँदा मोटरसाइकलमा सवार इलाका प्रहरी कार्यालय सुरुङामा कार्यरत प्रहरी सहायक निरिक्षक तिलकराम चौधरीको मृत्यु भएको छ ।

 

ट्रकमा ठक्कर खाई गम्भिर घाइते चौधरीको उपचारको क्रममा विपी कोइराला स्वास्थ्य विज्ञान प्रतिष्ठान धरानमा राती साँढे १० वजे मृत्यु भएको प्रहरीले जनाएको छ । ट्रक र चालकलाई प्रहरीले नियन्त्रणमा लिएको जनाएको छ । 

 

त्यस्तै  पूर्व पश्चिम राजमार्ग अन्तर्गत सप्तरीको कल्याणपुर–३ मा राती साँढे ९ वजे ना ५ ख १७७७ नंम्बरको बसले मोटरसाइकललाई  ठक्करदिंदा मोटरसाइकल चालक सप्तरी हनुमाननगर –४ का २३ वर्षीय रामचन्द्र चौधरीको घटनास्थलमै मृत्यु भएको पूर्व क्षेत्रीय प्रहरी कार्यालय विराटनगरले जनाएको छ ।

 

दुर्घटनामा मोटरसाइकल पछाडी सवार २१ वर्षीय रोशन चौधरी गम्भिर घाइते भएका र उनको विराटनगर स्थित न्यूरो अस्पतालमा उपचार भइरहेको प्रहरीले जनाएको छ । प्रहरीले बसलाई नियन्त्रणमा लिएको छ भने चालक फरार रहेकोले खोजी भइरहेको जनाएको छ । 

 

त्यसैगरी सप्तरीको दौलतपुर –५ स्थित कदमाहा सडक खण्डमा हिजो अपरान्ह बा ३२ प ६४९१ नंम्बरको मोटरसाइकलको ठक्करबाट गम्भिर घाइते भएका स्थानिय ६० वर्षीय गंगादेवी रामको उपचारको क्रममा आज विहान डेढ वजे विराटनगरमा मृत्यु भएको प्रहरीले जनाएको छ । प्रहरीले ठक्कर दिने मोटरसाइकल र चालकलाई नियन्त्रणमा लिएको जनाएको छ ।