विद«ोही गीरी ,कावासोती, १५ फागुन ।

 

 नवलपरासीको तम्सरीया— २ मा एक आमाले आफ्नै नौ बर्षीय छोराको ‘हत्या’ गरेकी छिन्  ।

 

ईलाका प्रहरी कार्यालय नवलपुरका प्रहरी निरिक्षक हरि बरुवालका अनुसार  तम्सरीया २ बसन्तपुरकी ३० बर्षीय जमुना जिसीले आफ्नै ९ बर्षीय छोरा प्रदिप जिसीको  घांटीमा सलले बांधेर हत्या गरेकी हुन्  । छोराको हत्या पछि उनले आत्म हत्या गर्ने प्रयास गरेको उहांले जानकारी दिनु भयो  । 

 

अचेत अबस्थामा छट्पटाएकी जमूना जिसी लाई मध्यबिन्दु सामुदायिक अस्पताल डण्डामा उपचारका लागि पठाईएको छ । गाउंलेको खबर पाएर घटनास्थल पुगेको प्रहरीले  आमाले छोराको हत्या गरी आत्महत्या प्रयास गरेको जनाएको छ ।

 

जिसीको परिवारमा भारतीय सेनामा कार्यरत श्रीमान्  एक छोरी र एक छोरा रहेको थिए । १३ बर्षीय छोरी ट्युसन पढ्न गएका बेला उनले छोराको हत्या गरी आत्महत्याको प्रयास गरेको प्रहरीको भनाई छ ।