पवन पौडेल

तनहुँ फागुन १४ ।

ट्रक र बस एक आपसमा जुध्दा व्यास नगरपालिकाको तालघरेमा १३ जना घाइते भएका छन् । दमौलीबाट डुम्रेतर्फ जाँदै गरेको ना ४ ख ४६८ नम्बरको बस र डुम्रेबाट दमौलीतर्फ आउँदै गरेको ना २ ख ८७६६ नम्बरको ट्रक घुम्तीमा ठोक्किंदा बस र ट्रकमा सवार समेत घाइते भएका हुन् । घाइते हुनेमा बसका १२ जना र ट्रकका चालक छन् ।

 

ठक्करबाट घाइते मध्ये पाँच जनाको पोखराको मेट्रो सिटी र मणिपाल तथा बाँकीको दमौलीस्थित रत्नहरि अस्पतालमा उपचार भैरहेको छ । घाइतेहरुको अवस्था खतरामुक्त रहेको प्रहरीले जनाएको छ ।

 

ठक्करबाट ट्रक र बस दुवैको अग्रभाग फुटेर क्षतिग्रस्त भएको छ । यसैबीच पर्यटक कारको ठक्करबाट थर्पुमा एक मोटरसाइकल चालक घाइते भएका छन् ।