चौतारा, १० फागुन । 

काममा खटिइरहेका बेला अचानक बिरामी भएका जिल्ला प्रहरी कार्यालय सिन्धुपाल्चोकका एक प्रहरी जवानको उपचारका क्रममा आज बिहान मृत्यु भएको छ । 

रौतहट जिल्लाको सरुआट गाविस–३ स्थायी घर भएका प्रहरी जवान ३४ वर्षीय राजकुमार राय यादवको आज बिहान मृत्यु भएको प्रहरी निरीक्षक राजकुमार थापाले जानकारी दिनुभयो । 

उच्च रक्तचापको रोगी रहेका यादव शनिबार बेलुकी कारागार शाखामा काममा रहेका बेला अचानक बिरामी भएपछि जिल्ला अस्पतालमा उपचारका लागि भर्ना गरिएको थियो । त्यहाँ ठीक नभएपछि थप उपचारका लागि राजधानी लैजाँदै गर्दा बाटैमा उनको मृत्यु भएको प्रहरीले जनाएको छ । रासस