चितवन, ८ फागुन । नारायणगढ–मुग्लिन सडकखण्डमा गएराति सवारी दुर्घटना हुँदा एक जनाको मृत्यु भएको छ । 

 

नारायणगढबाट मुग्लिनतर्फ गइरहेको लु१ज ८६१५ नम्बरको ट्रक र विपरीत दिशाबाट आइरहेको ना४ख ३००० नम्बरको ट्रिपर दारेचोक गाविस–४ मा एकापसमा ठोक्किँदा ट्रिपरचालक मकवानपुर हाडीखोला–७ का २३ वर्षीय प्रकाश सुनारको मृत्यु भएको प्रहरीले जनाएको छ । 

 

दुर्घटनामा ट्रिपरका सहचालक मकवानपुर हाडीखोला–१ का २१ वर्षीय हरिचन्द्र घिमिरे घाइते भएका छन् । उहाँको चितवन मेडिकल कलेजमा उपचार भइरहेको छ । ट्रक चालकलाई प्रहरीले नियन्त्रणमा लिएको जनाएको छ । रासस