गोलबजार ,सिरहा, २९ माघ ।

सिरहाको सीमावर्ती गाविस औरहीबाट एक जना गाँजासहित बुधबार साँझ पक्राउ परेका छन् । पक्राउ पर्नेमा धनगढी–६ का ५० वर्षीय भजन यादव रहेका छन् । 

 

औरही गाविस– ८ स्थित गागन नदीमा रहेको प्रहरी चौकी औरहीका गस्ती टोलीले यादवलाई साढे तीन किलोग्राम गाँजासहित पक्राउ गरिएको जिल्ला प्रहरी कार्यालयका प्रहरी उपरीक्षक रामकृपाल साहले जानकारी दिनुभयो । उहाँका अनुसार यादवमाथि अनुसन्धान भइरहेको छ । रासस