उद्धव घिमिरे

विराटनगर, माघ १४

सुनसरीको सत्तेरझोडामा भएको आगलागीमा १२ लाख बराबरको क्षती भएको छ । आगलागीमा ३ वटा गाई , ३ वटा गोरु र १५ वटा खसी , बाख्रा जलेर मरेका छन् । 

 

सत्तेरझोडा –६ का मुलुकी यादवको गोठमा चौपायालाई चिसो छल्न बालेको घुरबाट आज विहान १ वजे लागेको आगलागीमा उनको फुस्को छानो भएको गोठ र घर ,  घरमा रहेको सम्पूर्ण जिन्सी सामान र  १ सय ३० मन धान समेत जलेर नष्ट भएको सुनसरी प्रहरीले जनाएको छ ।

आगलागी दमकल, प्रहरी र स्थानियवासीको पहलमा एक घण्टापछि नियन्त्रणमा लिइएको जनाइएको छ ।