मेलम्ची, १३ माघ । सिन्धुपाल्चोकको भोताङ गाविस–१ छिम्तिका राजु तामाङकोे हम्बर प्रहारबाट गएराति मृत्यु भएको छ । 

 

खानेपानीको पाइप काटेको आरोपमा सोही गाउँका पेम्बा तामाङले सोमबार साँझ हम्बर प्रहार गर्दा गम्भीर घाइते भएका राजुको उपचारका लागि क्षेत्रीय अस्पताल मेलम्ची ल्याउँदै गर्दा बाटोमै मृत्यु भएको इलाका प्रहरी कार्यालय मेलम्चीका प्रहरी निरीक्षक चन्द्रबहादुर थापाले जानकारी दिनुभयो । 

 

मृतक राजु र पेम्बाबीच पहिले पनि पटक पटक झगडा हुँदै आएको थियो । केही महिनाअघि मृतक राजुले पेम्बालाई खुकुरी प्रहार गरेको आरोपमा आठ महिना जेलसमेत बसेका थिए । पेम्बा अहिले इलाका प्रहरी कर्यालय मेलम्चीको हिरासतमा छन् । रासस