घटना दुर्घटना

तीन नेपालीको शव खाडीमा अलपत्र
कावासोती, १३ माघ ।
खाडी मुलुकमा रोजगारीका लागि गएका तीन युवकको शव अलपत्र परेको छ । 
 
एक हप्ताको अवधिमा तीन युवकको विदेशी भूमिमा मृत्यु भएको हो । उनीहरूको शव नेपाल ल्याउन मृतकका आफन्तजन सूचना केन्द्र धाइरहेका छन् । 
 
डेढ वर्षअघि मलेसिया पुगेका तम्सरिया—५ का ४४ वर्षीय झिन्का थारुको यही माघ ४ मृत्यु भएको खबर आएपछि शव ल्याउन लागिपरेको मृतकका आफन्त युगनारायण थारुले बताउनुभयो । मलेसियामै काम गरिरहेका कोल्हुवा–३ का ३२ वर्षीय पूर्णबहादुर विकको दुर्घटनामा परेर ज्यान गएको छ । यही माघ १० गते दुर्घटनामा परेर मृत्यु भएको खबर घरमा आएको हो । अवैधानिकरुपमा काम गरिरहेका विकलाई घर फिर्ता ल्याउन सुरक्षित आप्रवासन परामर्श तथा सूचना केन्द्र कावासोतीमार्फत पहल भइरहेको अवस्थामा उहाँको दुर्घटनामा मृत्यु भएको खबर आएपछि परिवार पूरै शोकमा छ । 
 
वैदेशिक रोजगारमा जानेको अचानक मृत्यु भएको खबर लिएर आफन्तजन सूचना केन्द्र आउने गरेको केन्द्रकी पराशर्मदाता रञ्जना लम्सालले जानकारी दिनुभयो । साउदी अरब, कतार र मलेसियामा जाने ४० वर्षमुनिका युवकहरूको मृत्यु बढी हुने गरेको छ ।
 
त्यस्तै, पटना–८ कपिलबस्तुका हरिबहादुर चौधरीको साउदीमा मृत्यु भएको खबर आएको छ । उहाँको माघ २ गते मृत्यु भएको हो । नौ महिनाको अवधिमा १८ जनाको शव नेपाल ल्याउन सूचना केन्द्रले पहल गरेको परामर्शदाता लम्सालले बताउनुभयो । यसरी अलपत्र भएका शवलाई प्रवासी नेपाली समन्वय समिति, सामी हेल्भेटास र दूतावासको सहयोगमा ल्याउन लागिएको हो ।  

Post Comment

More घटना दुर्घटना

Onair Now Onair Now

Musical Quiz

Started at: 09:15 HRS

Up Next

Kalika Highlights

Starts at: 10:00 HRS

Kalika 91 - Nonstop music
Aja Ko Rashiphal

Special Programs

  • Nabinta ka sworharu
  • Retired Life
  • Online Request
  • Pahilo Din
  • Listerner of The Week

Kalika Events

  • 12th Music Award