प्रभास

मलेशियामै रोकियो परियारको शव मलेशियामै रोकियो परियारको शव
बेनी, म्याग्दी, २० चैत, रासस
रोजगारीका लागि मलेशियामा पुगेका जिल्लाको मालिका गाउँपालिका–२ रुमका बुद्धिबहादुर परियारको शव मलेशियास्थित नेपाली दूतावासको बेवास्ताका कारण अस्पतालमै रोकिएको छ । 
 
गत चैत १२ गते ड्युटीबाट फर्किएपछि कोठामा सुतेको ठाउँमा मृत्यु भएका परियार कार्यरत कम्पनीले आवश्यक प्रक्रिया पूरा गरे पनि दूतावासले थप प्रक्रियामा बेवास्ता गर्दा अस्पतालमै शव रोकिएको मृतकका भिनाजु सुनिल परियारले जानकारी दिनुभयो । 
 
“कम्पनीले नेपाली दूतावासले एउटा कागज नदिएको बताउँछ । दूतावासमा फोन गर्दा विभिन्न बहाना बनाउँछन्” परियारले भन्नुभयो । गत आइतबार मृत्यु भएका परियारको शव एकसातासम्म अस्पतालमै रोकिँदासमेत दूतावासले सामान्य पहल नगरेको त्यहाँ कार्यरत नेपालीको गुनासो रहेको छ । 
 
“नेपालीकै लागि काम गर्न बसेका नेपाली दूतावासका कर्मचारीलाई मृत्युको कुनै वास्ता छैन । उहाँहरुलाई बिदामा रमाउनै ठिक्क छ”, मृतक परियार कार्यरत एसएच कम्पनीका एक नेपालीले भने । 
 
कम्पनीले मृतकको शवलाई तत्काल अस्पतालमा पु¥याएर आवश्यक प्रक्रिया पूरा गरी नेपाल लैजान तयारी अवस्थामा रहेको बताएको सात दिन बितिसक्दासमेत नेपाली दूतावासबाट सहयोग नभएको भन्दै नेपालीले आक्रोश पोखेका छन् । 
 
घरबाट आफन्तले शवलाई बेली खोलामै अन्त्येष्टिको चाहना व्यक्त गरेपछि कम्पनीमा कार्यरत नेपालीले पहल गरेका थिए । यता काठमाडौँमा रहेका मालिका गाउँपालिकाका अध्यक्ष श्रीप्रसाद रोकाले श्रम मन्त्रालय लगायत सरकारी निकायमा पहल भइरहेको बताउनुभयो । 
 
“नेपालमा शव ल्याए हामीले आफैँ गाउँमा पु¥याउँछाँै । शव ल्याउनै समस्या भइरहेको छ” अध्यक्ष रोकाले भन्नुभयो । उहाँले एउटै गाउँका दुई युवा मलेशियामा मृत्यु भएको शोकमा गाउँ रहेको समेत बताए पनि मलेशियामै प्रक्रिया रोकिएको बताएपछि थप पहल गरिने बताउनुभयो । 
 
करिब पाँच वर्ष अगाडि मलेशिया पुगेका परियारको परिवारिक अवस्थासमेत निकै नाजुक छ । आर्थिक अवस्था कमजोर भएकै कारण किरिया खर्चलगायत थप सहयोग जुटाउनु पर्ने अवस्था रहेको स्थानीयको भनाइ छ । 

Post Comment

More प्रभास

Onair Now Onair Now

Chaso ra Charcha

Started at: 13:05 HRS

Up Next

Kalika New Update

Starts at: 14:00 HRS

Kalika 91 - Nonstop music
Aja Ko Rashiphal

Special Programs

Kalika Events

  • 12th Music Award