प्रभास

जुन जोगी आए पनि कानै चिरेको ।

सन्तोष चोखाल पौष,२३ ।

हाम्रा नेताहरु खराव हुन कि हामी नेपाली जनताहरु नै खराव हौ त रु विचार र विश्लेषण गर्ने बेला आएको छ । हाम्रो देश नेपालमा जुन सरकार आए पनि उपलब्धी हाता लायो शुन्य नै हुने भो ।

यो पार्टिको सरकार आयो अब नेपालले काचुली फेर्ने भो यो ब्यक्तिको सरकार आयो अब त देशमा कायापलाट हुने भो तर अन्तिममा हुन्छ जुन जोगी आए पनि कानै चिरेको । अहिलेको वर्तमान सरकार ओलि सरकार । कहिले काही सुनिन्थ्यो ओलिको बोली त गोली जस्तै हो रे । तर कुरो उहि हो हात्ती आयो , हात्ती आयो हात्ती फुस्सा ।

वैशाख १२ गते आएको महाभुकम्पले देशलाई ठुलो धन जनको क्षती बनायो कयौ बेपत्ता , कयौले अकालमा ज्यान गुमाउन पुगे , कयौ घरवार विहिन भए । अन्तराष्ट्रीय स्तरबात ठुलो सहयोग प्राप्त भयो सायद सो सहयोग सही ठाउमा सदुपयोग गर्न सकियो भने नेपाल जापान बन्न बेर लाग्ने छैन तर नेपाल हाइटी बन्ने निश्चित छ ।

यसै बेला नेपालको अत्यन्तै ठुलो शत्रु भनु या मित्रु भारतले दैनिकी पिडा दिइरहेको छ । यता ओलि सरकार मन्त्री मण्डल विस्तार गर्नमा ब्यस्त छ । भुकम्प पीडितहरु चिसोमा कठांग्रियर मर्दै छन सरकार कानमा तेल हालेर मौन भै बसेको छ । यो नेपालको अवस्था कहिले माथी लाग्ने हो निश्चित छैन । यता मधेसी मोर्चा आफ्नो अधिकारको नाममा सारा नेपाली जनतालाई भोक भोकै मारेको छ ।

भुकम्पमा प्राप्त सहयोग के कसरी कुन ठाउमा सदुपयोग गर्ने कुनै योजना छैन । विभिन्न ठाउमा रिक्त पदमा राम्रालाई होइन , अनुभव र योग्यतालाई होइन मेरो र हाम्रालाई भर्ना गरिदै छ । साच्चै नेपाल त यस्तो भएको छ जहाँ जसले जे गरे नि हुने , कुनै चिजको थोक मुल्य छैन । नाकाबन्दिको नाममा चरम कालो बजारी गरिदै छ । मोटाउने दैनिक मोटाउदै गएका छन , दुब्लाउने दैनिक दुब्लाउदै , थिचिदै गएका छन । धनी झन झन धनी , गरिव झन झन गरिव ।

नेपालमा समानता कहिल्यै हुने भएन खानेले खाएको खायै गर्ने , हेर्नेले हेरेको हेरै गर्ने । कुनै पनि चिजको मुल्य रहेन चाहे जे पनि गर्न सक्ने भए । इतिहासले धिकारी सक्यो । नेपाल अघी होइन पछी पछी धकेली सक्यो । राम्रा कुरा होइन दैनिक नराम्रा कुराले बजार लिइसक्यो । अब नेपाल माथी उठ्ने कहिले रु ओलिको बोली पनि बोली मै सिमित हुने भयो ।

सरकार बनेको लामो समय भयो तर नेपाली जनताले राहतको महसुस सम्म गर्न पाएका छैनन । यती बेला सुन्दै छु ओलि बाको दिनचर्या अरु विभिन्न पार्टिलाई चित्त बुझाउनैमा जाने गरेको छ रे । खोइ कहिले सकिने हो चित्त बुझाएर । हाम्रा देशका नेताजीहरूलाइ सत्ता र कुर्सीको खेलले कहिल्यै नछोड्ने भो । नेताजीहरूलाई धन सम्पती थोरै हुन्छ अनि आफ्ना परिवारजनलाई भुकम्प पिडितको नाममा विदेश शयर गराउनु हुन्छ ।

उता भुकम्प पीडितहरु ओत छेक्ने पाल नपाएर खुला मैदानमा लडिरहेका छन । नेपाललाई प्रकृती देखी छिमेकी सम्मले मज्जाले रुवाइ सके अब घैटोमा घाम लाग्ने कहिले । किन नेताजीहरूलाई पिड़ाको महसुस हुँदैन । ओलि बाको सरकार एकपटक ठण्डा भएर सोच्ने कि रु जहाँ जाऔ जे गरौ यो मन त मेरो नेपाली हो ।

जय स्वाभिमान । । । ९ चोखाल ( पत्रकार , नेपाल जापान विधार्थी समाजको केन्द्रिय अध्यक्ष , चितवन समाज जापानको केन्द्रिय सदस्य तथा एक्टिव विजनेस ग्रुप जापानको प्रमुख समेत हुनुहुन्छ ।