भरतपुर, चैत्र २७ । 

भरतपुर महानगर पालिका वडा नम्बर १० का वडा अध्यक्ष अरुण पीडित भण्डारीमाथि नारायणगढमा आक्रमण भएको छ ।

 

अपराह्न ४ः१० बजेको समयमा सहिद चोक नजिक रहेको पेट्रोल पम्म नजिकै भण्डारीमाथि अज्ञात व्यक्तिले पछाडिबाट पहिले मोबिल फ्याँकेर पछि ढुङ्गाले टाउकोमा प्रहार गरेको प्रत्यक्षदर्शीले बताएका छन् ।

 

वडा अध्यक्ष भण्डारीको अहिले भरतपुर स्थित सरकारी अस्पतालमा उपचार भइरहेको छ । प्रहारकर्ताको खोजी भइरहेको चितवन प्रहरीले जनाएको छ ।