राजु थापा, चैत २३, कालिका

एनालक प्रविधिबाट साउण्ड सिष्टम चलाईरहेका चितवनका साउण्ड सिष्टम ब्यवसायीहरुलाई डिजिटल प्रविधिको जानकारी दिने उद्धेश्यले शुक्रवार कार्यशाला गोष्ठी गरिएको छ ।

चितवन  साउण्ड सिष्टमले आयोजना गरेको गाष्ठीमा चितवनका ३५ संस्थाका संचालक तथा प्रतिनिधि , डिजेहरु र नवलपरासीको ब्यवसायीहरुको सहभागिता रहेको थियो । गोष्ठीमा काठमाडौको वुडल्स ट्रेडसले प्राविधिक सहयोग गरेको थियो ।डिजीटल प्रविधिको मिक्सचर र साउण्ड सिष्टमको सामाग्रीबारे वुडल्सका प्रमुख सुन्दरमान श्रेष्ठ, प्राविधिकहरु दिनेश मर्हजन र लावाङ लामाले प्रशिक्षण दिनु भएको थियो ।

मंगलपुरको अतिथि पार्टी प्यालेसमा भएको कार्यशालामा चितवन साउण्ड सिष्टमका अध्यक्ष मानदेव अधिकारीको अध्यक्षतता रहेको थियो । उपाध्यक्ष सुर्य पाठकले स्वागत मन्तब्य राख्नु भएको कार्यशालामा सचिव यम अधिकारीले कार्यशाला राख्नुको औचित्य प्रकाश पार्दै कार्यशालालाई सहजीकरण गर्नु भएको थियो ।