कालिका, चैत्र २०  

६१ औं राष्ट्रिय सहकारी दिवसका अवसरमा  मंगलबार चितवनको भरतपुरमा वृहत रयाली निकालिएको छ । दिगो विकास लक्ष्य प्राप्तीका लागि सहकारी भन्ने नारा सहित भरतपुर चौबीसकोठीबाट  शुरु भएको र्यालीमा चितवन जिल्लाका सहकारी संघसंस्थाका प्रतिनिधिहरुको उल्लेख सहभागिता रहेको थियो । 

 

जिल्ला सहकारी संघ लिमिटेडको आयोजनामा भएको र्यालीमा पछि संस्थाको कार्यालमा विशेष कार्यक्रम सपन्न भएको थियो । संस्थाका अध्यक्ष टिकाराम भट्टराईको अध्यक्षता तथा प्रदेश ३ का कृषि तथा सहकारी मन्त्री दावा दोर्जे लामा प्रमुख आतिथ्यमा कार्यक्रम सम्पन्न भएको हो । सो अवसरमा प्रमुख अतिथि मन्त्री लामाले सहकारीले उत्पादनमूलक क्षेत्रमा लगानी गर्नुपर्ने बताउनुभयो । 

 

मन्त्री लामाले कृषी र सहकारीको माध्यमबाट जनतालाई धनी बनाउने अभियानमा लागेकोे र चितवनबाट सहकारीको सुरुवात भएको भन्दै सहकारीलाई व्यवस्थित बनाउने अभियान पनि चितवनबाटै सुरु गरिने जानकारी दिनुभयो । मन्त्री लामाले सहकारी क्षेत्रमा देखिएका समस्या समाधान गर्न आफू र आफ्नो मन्त्रालय सदैव तयार रहेको प्रतिबद्धता पनि व्यक्त गर्नु भएको थियो ।