कालिकाः प्रतिमा कुमाल चैत १४ ।

हरिहर सापकोटाको नेतृत्वमा नेपाल ट्रेड युनियन कांग्रेस चितवनको छैठौ जिल्ला सम्पन्न भएको छ  । अनौपचारिक क्षेत्रको उपादध्यक्षमा हरि लामिछाने ,उत्पादन तर्फ उपादध्यक्ष मुक्ति गौतम, सहसचिव अमृतकान्त पण्डित, कोषादध्यक्ष विकास राम श्रेष्ठ, मिलन शर्मा सहकोषादध्यक्ष लगायत २० जना सदस्य चयन हुनुभएको छ । अझै कार्यसमितिका पदाधिकारीको जिम्मेवारी मिलाउन बाकीं रहेको निर्वतमान सचिव कोमल नाथ  घिमिरेले जानकारी दिनुभयो । १८ जना केन्द्रिय महाधिवेशन प्रतिनिधि र ३७ जना प्रदेश प्रतिनिधिको चयन समेत निर्विरोध चयन भएका छन् ।

नेपाल ट्रेड युनियन कांग्रेस चितवनका निर्वतमान अध्यक्ष लक्ष्मण प्रसाद भटट्राईको अध्यक्षतामा नेपाली कांग्रेस चितवनका सभामपति जित्नाराण श्रेष्ठको प्रमुख अतिथ्यता रहेको थियो ।  कांग्रेसले आदर्श सिद्धान्त लागु गरेमा मात्र ट्रेड युनियनको रक्षा हुने भएकोले सम्पुर्ण श्रमीक मजदुरहरु लोकतान्त्रिक संस्कार र पद्धतिप्रति एैक्यबद्धता जनाउन आवश्यक रहेको श्रेष्ठले बताउनु भयो ।

कार्यक्रममा  प्रदेश सभा सदस्य मिलन बाबु श्रेष्ठ, ट्रेड कांग्रेसका पुर्व केन्द्रिय सदस्य बैकुन्ठ राज पौडेल, मध्यमान्चल क्षेत्रीय सदस्य सुर्यकान्त न्यैपानेको अतिथ्यता थियो । कार्यक्रममा ट्रेड युनियन कांग्रेस निर्वतमान सचिव कोमल नाथ घिमिरेले सांगठनीक प्रतिवेदन पेस गर्नु भएको थियो ।