सविता दराई कालिका चैत्र ३ ।

चितवन मा.वि को जग्गा र सटर भाडामा लिई ब्यबसाय गर्दै आएका पुराना ब्यवसायीलाई नै पुनस्र्थापित गर्न र नयाँ व्यवसायीलाई हट्न उच्च अदालत पाटन हेटौडा इजलाशले दिएको आदेश लागु गर्न  पुनरउत्थानवादी समुह नेपालले माग गरेको छ । चितवन जिल्ला अदालतमा फिराद दर्ता गर्न उच्च अदालत पाटन हेटौडा इजलाशले २०७४ चैत्र १ गते अनुमति दिए बमोजिम चितवन जिल्ला अदालतमा दर्ता भइसकेकाले नयाँ व्यवसायी तत्काल हटी पुराना व्यबसायीलाई पुनस्र्थापना गर्नु पर्ने पुनरउत्थानवादी समुह नेपालका अध्यक्ष गोविन्दबहादुर पौडेलले पत्रकार सम्मेलनमा जानकारी दिनु भएको छ । 

फागुन २ गते चितवन जिल्ला अदालतमा चितवन मावीको जग्गा मुद्दा दर्ता नभएको हुदा पुनः पुनरउत्थानवादी समुहले हेटौडा इजालसमा मुद्दा दर्ता गर्दा सो अदालतका न्यायाधिश सुष्मालता माथेमा र ध्रुवराज नन्दको इजलासले विद्यालयको सटर भाडामा दिने विषय सार्वजनिक सरोकारको विषय भएकोले फिराद दर्ता गर्र्नु भन्ने अनुमति बमोजिम चितवन जिल्लामा सो मुद्दा चैत्र २ गते नै दर्ता भै सकेको पुनरउत्थानवादीका सदस्य तारा बरालले जानकारी दिनु भयो । 

पुनरउत्थानवादी समुहले पुराना ब्यबसायीको लागी जिल्ला अदालत देखी सर्वोच्च अदालत र नेपाली सेनामा समेत मुद्दा दर्ता गरेको जानकारी गराएको छ । यदि नयाँ व्यबसायीहरुले सजिलै संग हट्न नमानेमा अझ सशक्त रुपमा अगाडी बढ्ने  चेतावनी समेत दिएका छन् ।