कालिका, चैत्र, २ । 

एक्सपर्ट कालिका हाजिरिजवाफ प्रतियोगिताको चौथो संस्करण अन्तरगत शुक्रबार भएको चौँथो अंकको प्रतिष्पर्धामा गुरुकुल कलेज  र एएफयु अर्को चरणमा प्रवेश गरेको छ ।

 

 

शुक्रबार भएको चौँथो अंकको पहिलो प्रतिष्पर्धामा नारायणी बिद्या मन्दिर ईङलीस स्कुल शिबघाट र स्टेप बाई स्टेप ईङलीस स्कुललाई हराउदै गुरुकुल कलेज अर्को चरणमा प्रवेश गरेको हो । यस्तै शुक्रबार नै भएको दोस्रो प्रतिष्पर्धामा अक्सफोर्ड कलेज गैडाकोटलाई हराउँदै कृषि तथा बन विज्ञान विश्व विद्यालय ‐एएफयु) रामपुर अर्को चरणमा प्रवेश गरेको छ ।

 

 

प्रतिस्पर्धामा नेपाल शिक्षक महासंघका केन्द्रिय सह अध्यक्ष पुर्णप्रसाद दवाडीले पहिलो प्रश्न बाट शुरु भएको थियो । प्रतियोगीताको शुरुवातमा नारायणी नमुना माबिका प्राचार्य समेत रहनु भएका दवाडीले एफ.एम. तथा टिभी कालिकाले गरेको कार्यको प्रसंसा गर्दै बिद्यार्थीहरको अन्तरनिहित क्षमतालाई बाहिर ल्याउन सके भविश्यमा सहि गन्तब्य लिने बताउनु भयो । 

 

 

कालीका मिडियाले आफ्नो स्थापना कालदेखि नै समाजका हरेक क्षेत्र र बर्गलाई समेट्दै बौद्धिक खालका कार्यक्रम गर्दै आएको छ । यस्ता खालका कार्यक्रम कालिका मिडियाले हरेक बर्ष गरिरहदा किताबी ज्ञानमा मात्रै सिमित नभई वाहिरी क्षेत्रको ज्ञान हासिल गर्न उत्प्रेरणा मिल्ने एफ.एम का स्टेशन म्यानेजर प्रकाश आचार्यले विश्वास व्यक्त गर्नु भयो । 

 

गुरुकुल कलेजका शिक्षक श्याम बराल, स्टेप बाई स्टेपका अतिरिक्त कृयाकलाप प्रमुख कृष्णप्रसाद पोख्रेल, नारायणी बिद्या मन्दिरका निर्देशक अम्मर पराजुली र एक्पर्ट एजुकेसनका परामर्शदाता किरण पौडेलले सुभकामना मन्तब्य राख्नु भएको थियो । 

 

कार्यक्रमको सहजिकरण टिभि कालिकाका स्टेशन म्यानेजर राजकुमार लामिछानेले गर्नु भएको थियो । कालिका एफ.एम परिसरमा भएको प्रतियोगिताको कालिका एफएम र टिभी कालिकाबाट प्रत्यक्ष प्रशारण गरीएको थियो ।