राजु थापा, फागुन २६, , कालिका । 

नारायणी टुडे राष्ट्रिय मासिकले आयोजना गरेको अन्तर मिडिया हाजिरीजबाफ प्रतियोगिताको पहिलो उपाधी कालिका एफ एम प्रालिले उचालेको  छ । नारायणी टुडे राष्ट्रिय मासिकले आँफ्नो १८ औ बार्षिकोत्सवको अबसरमा आयोजना गरेको हाजिरीजबाफ प्रतियोगितामा चितवनका अन्य १४ सञ्चार संस्थाहरुलाई पछि पार्दै प्रथम भएकोे हो । प्रतियोगितामा सिनर्जी एफ द्धितिय र त्रिबेणी एफ एम तृतिय भएका छन् । चितवनका संचारककर्मीहरुलाई बौद्धिक क्षमतामा वृद्धि गर्ने उद्धेश्यले आयोजना गरिएको प्रतियोगितामा चितवनका १५ संचार गृहको सहभागिता रहेको थियो । प्रथम स्थान हासिल गरेको कालिका एफ एमबाट  द्धारिका नेपाल, मनोज पन्त, राजु थापा र सबिता दराईको सहभागिता रहेको थियो ।  कार्यक्रममा प्रथम हुने कालिका एफ एमले ५० हजार सहित प्रमाणपत्र प्राप्त गरेको छ भने  द्धितिय भएको सिनर्जी एफले ३० हजार र तृतिय भएको त्रिबेणी एफ एमले २० हजार पुरस्कार प्राप्त गरेका छन् । 

नारायणी टुडेका सल्लाहकार तथा प्रमुख अतिथि बाबुराम पाण्डेले प्रतियोगितामा विजयी टोलीलाई पुरस्कार वितरण गर्नु भएको थियो । यस्तै शनिवार नै चितवनका २ ब्यक्तित्वहरुलाई सम्मान समेत गरिएको थियो । ब्यवसायी गोविन्द प्रसाद तिवारी र अधिवक्ता जगन्नाथ भण्डारीलाई  नारायणी टुडेले सम्मान गरेको हो । प्रतियोगिताको औपचारिक कार्यक्रममा डा. चिन बहादुर पुन, डा. भोजराज अधिकारी, डिएसपी प्रभु प्रसाद ढकाल , पत्रकार महासंधका केन्द्रिय सदस्य कृष्ण गिरी, चितवन अध्यक्ष राधेश्याम खतिवडा, साहित्यकार डि आर पोख्रेल, लगायतको सहभागिता रहेको थियो । प्रतियोगितामा  उपेन्द्र बाबु त्रिपाठीले  क्वीज माष्र्टरको भुमिका निभाउनु भएको थियो ।