राजु थापा, फागुन २५, कालिका

स्थानिय तहमा जनप्रतिनिधि आए पछि आम सर्वसाधारणलाई सेवा दिने कार्यमा भरतपुर १० र १२ का अध्यक्षहरु सक्रियरुपमा लागेको अनुभव हुन लागेको  पाईएको छ । एक साता अधि भरतपुर १० भरतपुर मावि अगाडीको सडक छेउमा विभिन्न ईन्जेक्शन सहितको फोहोरको पोका फेला पारेपछि वडा अध्यक्षद्धयले सो फोहोर फाल्ने ब्यक्ति पहिचान गरि शुक्रवार सार्वजानिक गर्नु भएको छ । 

बडाहरुलाई सुन्दर , सफा र उज्यालो बनाउने लक्ष्यका साथ अधि वढ्ेका बडा अध्यक्षहरुले फोहोरको पोकामा नागरिकताको प्रतिलिपी फेला पारे पछि सम्वन्धीत ब्यीक्तलाई नै सम्वन्धीत स्थानमा ल्याई किन कारवाही नर्गने भन्दै सार्वजानिक गर्नु भएको हो । 

भरतपुर ११ बस्ने पुर्व लागु औषध दुब्यसनीमा समेत परिसकेकी  १ महिलाले सो फोहोर फालेको प्रमाणित भए पछि उनलाई कारवाही गरिने बडा नम्वर १० का अध्यक्ष अरुण पिडित भण्डारीले जानकारी दिनु भयो । उहाँले स्थानिय ऐन बमोजिम फोहोर फाल्नेलाई ५ हजार देखि ५० हजार सम्म जरिवाना गर्न पाउने भएकोले यस्को आवश्यक छलफल पछि जरिवाना गरिने बताउनु भयो । यस्तै भरतपुर १२ का अध्यक्ष नरेन्द्र कन्दङवाले सोही स्थानमा आफुले विहान ५ वजे देखि कसैले फोहोर नगरुन भनि निरिक्षण गर्ने गरेको बताउनु भयो । यहाँले सोही स्थानबाट बोरामा मोरेको कुकुर फाल्ने १ जनाको पनि खोजी भई रहेकोले फेला पारेमा कुकुर धनिलाई ११ हजार सम्म जरिवाना गरिने बताउनु भएको थियो । 

सो स्थानमा रहेको फोहोरलाई शुक्रवार नै वडा कार्यालयले नष्ट गरेको छ ।