राजु थापा, फागुन २४, कालिका

केमिकल क्षेत्रमा भएका पछिल्लो परिर्वतनको बारे जानकारी दिने उद्धेश्यले विहीवारबाट चितवनको सौराहामा रसायन बैज्ञानिकहरुको भेला भएको छ । अन्र्तराष्ट्रिय केमिकल सम्मेलन २०१८ को लागि विश्वका २ सय भन्दा बढी वैज्ञानिकहरु चितवमा भेला भएका हुन् । 

 

विहीवारबाट ३ दिन चल्ने सम्मेलनको नास्टका उपकुलपति प्राध्यापक डाक्टर जिवनाथ पोख्रेलले उद्धधाटन गर्नु भएको हो ।  रसायन क्षेत्रमा आफुले जानेका अनुभव साटासाट गर्ने र चितवनका विरेन्द्र क्याम्पसमा अध्ययनरत रसायन शास्त्रका विद्यार्थीहरुलाई उत्प्रेरणा जगाउने लक्ष्य लिएर चितवनमा यस्तो सम्मेलन गरिएको आयोजक संस्थाले जानकारी दिएको छ ।

 

नेपाल केमिकल सोसाईटी र विरेन्द्र क्याम्पस भरतपुरको संयुक्त आयोजनामा भएको सम्मेलनमा विभिन्न ३० देशका १ सय वैज्ञानिक र स्वदेशी १ सय वैज्ञानिक गरि  २ सय वैज्ञानिकहरु सहभागिता रहने छन् । सम्मेलनमा विदेशी ८० र स्वदेशी ९० गरि १ सय ७० कार्यपत्र प्रस्तुत गरिने जानकारी गराईएको छ । 

 

राजधानी बाहिर चितवनमा पहिलो पटक हुन लागेको सम्मेलनमा ५० वटा विभिन्न फोटोचित्र प्रस्तुत गरिने बताईएको छ ।  दिगो विकासको लागि केमिकल भन्ने मुल मन्त्र सहित आयोजना गरिएको सम्मेलनबाट आएका निष्कर्षले देशको  विकास निमार्णमा समेत कोसेढुङगा सावित हुने आयोजक संस्थाले विश्वास लिएको सोसाईटीका अध्यक्ष अमर प्रसाद यादवले जानकारी दिनु भयो ।

कार्यपत्रहरुबाट आएको निष्र्कषले देशको विकास निमार्णमा महत्वपुर्ण कार्य गर्ने विश्वास लिईएको सम्मेलनले चितवनमा पर्यटकिय क्षेत्रको रुपमा समेत टेवा पुग्ने विश्वास लिई विभिन्न ३० देशका वैत्रानिकहरुलाई चितवनमा ल्याएको सम्मेलनको स्थानिय संयोजक विरेन्द्र क्याम्पसका प्राध्यापक मनोज विष्टले जानकारी दिनु भयो ।