सविता दराई कालिका फागुन २२ 

थ्री एन्जल्स नेपालले पश्चिम चितवनको किरणगन्जमा मानव बेचबिखन ओसार पसार र लैगिंक हिंसा बिरुद्ध सचेतना दिइएको छ । प्रगति किरण महिला समुहको भवनमा संचालन भएको सो  कार्यक्रममा सोही समुहका अध्यक्ष  सुकन्या राइको अध्यक्षता रहेको थियो भने माइति नेपाल चितवनका कार्यक्रम संयोजक ईश्वर गिरीको प्रमुख आतिथ्यता रहेको थियो । प्रमुख अतिथि गिरीले  अनुराधा कोइरालाले हिसामा परेका महिला र बालबालिको अबस्था देखेर उनिहरुप्रति मनैदेखि सेवा गर्ने भावनाका कारण २०४६ सालमा माईती नेपालको स्थापना भएको जानकारी दिनु भयो । साथै  माईती नेपालले २५ औं रजत मनाइरहंदा देशब्यापिरुपमा आम महिलाहरुको लागि माइति नेपाल दुखको साथिको रुपमा रहेको र हिंसामापरेका ,हराएका ,दलालहरुबाट बेचिएका सहारा बिहिन र आवाज बिहिनको  लागि सेवा गर्न सदा सर्वदा तयार रहेकाले सेवालिन आउन समेत आव्हान गर्नु भएको छ । यस्तै नेपालमा मानव बेचबिखनको बदलिंदो स्वरुप कानुनी सजायं र समाजको भुमिका बारेमा प्रकास पार्नु भएको थियो। थ्री एन्जल्सका संयोजक यमनाथ आचार्यले ले कार्यक्रमको बारेमा प्रकाश पार्दे लैगिक हिंसा र मानव बेचबिखन सम्बन्धमा सहजिकरण गर्नुभएको थियो । सहभागिको तर्फबाट  संकरमान राइले कार्यक्रम उपलब्धिमुलक रहेको बताउनु भयो।