राजु थापा, फागुन १८, कालिका

 

जिल्लामा अझै १ ईकाई थप गर्ने , पदाधिकारी थप्ने लगायतका निर्णय गर्दै नेपाल पुर्व प्रहरी संगठन जिल्ला कार्य समितिले दोस्रो वार्षिक  साधारण सभा सम्पन्न भएको छ । शुक्रवार भरतपुरमा भएको साधारण सभामा १० जना सहयोग दाता, ७जना वृद्ध आजिवन सदस्य , एक जना उत्कृष्ट विद्यार्थी र १ जना उत्कृष्ट पुर्व प्रहरीलाई समेत सम्मान गरिएको थियो ।

नेपाल पुर्व प्रहरीका केन्द्रिय अध्यक्ष बसन्तराज कुँवरले उद्धधाटन गर्नु भएको साधारण सभामा प्रमुख अतिथि कुँवरले नेपालकै ठुलो र बलियो पुर्व प्रहरी संगठनलाई विशेष योजना सहित अधि वढ्नु पर्ने बताउनु भएको थियो । उहाँले राजनैतिक हैसियत बढाउनको लागि पुर्व प्रहरीले राजनैतिक पार्टी खोलेको बताउदै जिल्ला र ईकाईहरुले पनि जिल्लाका स्थानिय निकायमा पहुचँ पुराउनु पर्ने बताउनु भयो । उहाँले संगठन र पदाधिकारीलाई दोक्ष् मात्र देखाउनु भन्दा पहिला संगठनलाई के दिए भन्ने सम्झन आग्रह गर्नु भयो । उहाँले पुर्व प्रहरीको आफनै अस्पताल हुन पर्ने धारणा राख्नु भएको थियो । 

 

चितवनमा हाल सम्म ६ सय ५४ आजिवन सदस्य रहेको संगठनमा आफनै सहकारी मार्फत  ५७ लाख बराबरको बचत गरि विभिन्न सदस्यहरुलाई आर्थिक रुपमा अधि वढाउने गरेको साधारण सभाामा अध्यक्ष चक्र बहादुर कार्कीले जानकारी दिनु भयो ।

सभामा सचिव बलबहादुर थापाले प्रगति र कोषाध्यक्ष हरिदत्त रिमालले ९ लाख २८ हजार ३ सय ६२ को आर्थिक प्रतिवेदन प्रस्तुत भएको थियो । सभामा केन्द्रिय उपाध्यक्षहरु विनोद सिंह, लालकुमारी थपलिया,  जिल्ला प्रहरी कार्यालय चितवनका प्रमुख दिपक थापा, केन्द्रिय सदस्यहरु रामकृष्ण कार्की र मुकुन्द प्रसाद विडारी लगायतको आतिथ्थतता रहेको थियो ।