कालिका ,चैत्र ३

चितवन राष्ट्रिय निकुन्ज कार्यालय कसरा चितवनले विक्रमबाबा पुजा ब्यवस्थापन गर्ने सम्वन्धमा सरोकारवाला पक्षसंग संयुक्त बैठक बसी आज प्रेस विज्ञप्ती जारी गरेको छ ।

 

निकुन्जका प्रमुख संरक्षण अधिकृत द्धारा हस्ताक्षरित विज्ञप्तीमा चैत ६ गतेदेखि २१ गते सम्म बिहान साढे ६ बजेदेखि साँझ ५ बजे सम्म अनुमति दिने, प्लाष्टिक जन्य पदार्थ निषेध गरिने, मदिरा निषेधितक्षेत्र घोषणा गरिने, पशुवलीलाई रोक्न प्रचार प्रसार गर्ने तर वली दिनै परेमा १ दिनमात्र दिने ब्यवस्था मिलाउने कार्य गर्न छलफल गरिएको जनाईएको छ ।

 

यसरीनै बली दिने मौलालाई विधिपुर्वक निकुन्ज बाट मध्यवर्तीमा सार्ने , विक्रमबाबा मेला नभई पुजा भएको प्रचार गर्ने, पशुवली दिने पशुपक्षीको स्वास्थ्य परिक्षणको ब्यवस्था गरिने सहित निकुन्ज नियमावलीको बारेमा सर्वसाधारणलाई जानकारी दिने जस्ता निर्णय गरिएको छ ।

निकुन्जको नियमावली २०३०को नियम ६ अनुसार निकुन्ज भित्र घरपालुवा जनावार प्रवेश गर्न नपाईने हुदाँ र दोलखा भिमसेनमा ५ हजार परेवा मरेका कारणले गर्दा विभिन्न रोग बाट वन्यजन्तु बचाउन सबैलाई आग्रह गरिएको छ ।