राजु थापा, फागुन २, कालिका, 

नवौ सौराहा फुड फेस्टिवलमा भएको २८ लाख ६६ हजार ४ सय १० बराबरको आय ब्यय विवरण आज सार्वजानिक गरेको छ।

 

रेष्टुरेन्ट एण्ड वार एशोशिएसन नेपाल ,सौराहाको आयोजनामा फागुन १, २, ३ र ४ गते प्रणय दिवसको अवसरमा गरिएको फेस्टिवलमा करिव २५ हजारले अवलोकन गरेको र करिब २ करोड बरावरको कारोबार गरेको दावी गरेको छ ।

 

फेस्टिबलमा भएको आम्दानी बाट बालश्रम न्युनिकरणको लागि १० हजार १ सय र त्यसमा ब्यतिगत सहयोग १५ हजार थपि २५ हजार १ सय  जिल्ला प्रशासनलाई प्रदान गरिने र  १ लाख १६ हजार ७ सय ८० सोलार बत्तीको लागि खर्च गरिने रेवानले जनाएको छ ।

कार्यक्रममा प्रमुख अतिथि रहनु भएका रत्ननगर नगरपालिकाका  प्रमुख नारायण प्रसाद पाण्डेले फुड फेस्टिवलले लोकल र आर्गनिक फुडहरु प्रर्दशन र विक्री गरेकोले नगरपालिका र नगरवासीको तर्फबाट धन्यवाद दिनु भएको थियो । 

 

सार्वजानिक कार्यक्रममा संयोजक श्रीलाल परियारले सबैलाई धन्यवाद दिदै रेवानले गर्ने नयाँ वर्षको कार्यक्रमा समेत सहयोग गर्न आग्रह गर्नु भएको थियो । कोषाध्यक्ष कपिल रेग्मीले आर्थिक विवरण प्रस्तुत गर्नु भएको कार्यक्रममा नेपाल पत्रकार महासंधका उपाध्यक्ष दिपेन्द्र बडुवाल , क्षेत्रिय होटल संधका अध्यक्ष ज्ञानेन्द्र विष्ट ,मुगकुन्ज उपभोक्ता समितिका अध्यक्ष बासु ढुङगाना लगायतले मन्तब्य ब्यक्त गर्नु भएको थियो ।

 

कार्यक्रम रेवान सौराहाका अध्यक्ष  सिताराम कुमालको सभापतित्वमा सम्पन्न भएको थियो ।