सविता दराई कालिका चैत्र १

बारा कलैया की ६ बर्षिया बालिका पुजा शाह माथी भएको बलत्कार पछिको हत्याको विरोध र काठमाडौमा २ विधार्थी संगिता मगर र सिमा बस्नेत माथी भएकोे एसिड प्रहारको विरुद्धमा  र  लमजुङ र  मकवानपुर  तथा देशभरका विभिन्न ठाउँमा  भएका बलत्कारका घटनाको विरोधमा आज चितवनमा रयली  निकालेको छ ।

 

वाई सी एल चितवन , अखिल नेपाल महिला संघ क्रान्तिकारी चितवन , अखिल क्रान्तिकारी चितवतन, र अखिल क्रान्तिकारी सिटिई भीटीले संयुक्त रुपमा विरोध स्वरुप रयली निकालेको हो । भरतपुरको चौविसकोठी  बाट सुरु भएको रयली जिल्ला प्रसासन कार्यालयमा धर्ना पछि ज्ञापन  पत्र बुझाई समापन भएको थियो ।प्रशासकिय अधिकृत शेषकान्त पौडेलले ज्ञापन पत्रबुझ्दै ज्ञापन पत्र  आजै सम्बन्धित निकायमा पठाउने प्रतिबद्धता ब्यक्त गर्नु भयो ।यस्तै यस्ता खालका घटना नहोस् र यस्ता घटना गराउनेलाई कडा भन्दा कडा सजाय दिने प्रतिबद्धता  पनि ब्यक्त गर्नु भयो । 

 

अखिल नेपाल महिला संघ क्रान्तिकारी की अध्यक्ष संगिता भटराईले यस्तो घटना फेरी  पनि नदोहरीउन भनि प्रसासनलाई ज्ञापन पत्र बुझाएको र घटनाको दोसीलाई पता लागाई कडा भन्दा कडा सजाय दिनु पर्ने  बताउनु भयो । रया्लीमा वाई सि एल चितवन ,अखिल महिला संघ क्रान्तिकारी , क्रान्तिकारी चितवन, अखिल क्रान्तिकारी  सि टि ई भी टि का  विधार्थीहरुको उपस्थिति रहेको थियो ।