कमला गुरुङ, कालिका फागुन २१

 

आज परेको होली पर्वलाई मध्यनजर गरी जिल्ला ट्राफिक प्रहरी कार्यालय चितवनले सुरक्षा सतर्कता बढाएको छ । 

 

कुनै किसिमको दुर्घटना र उच्छृङखल क्रियाकलाप हुन नदिन ट्राफिक प्रहरी आज चोक चोकमा खटिने भएका छन् । प्रहरीले कानुन विपरित र सामाजिक सद्भावमा खलल पुग्ने किसिमका क्रियाकलापहरु नगर्न आग्रह समेत गरेको छ । 

 

यस्तै, मापसे गरी सवारी चलाउने ३ जना गएराति कारबाहीमा परेका छन् । क्यान्सर गेट, हाकिमचोक र दिपेन्द्र चोकमा गरिएको चेकजाँचका क्रममा उनीहरुलाई कारबाही गरिएको हो । 

पक्राउ परेकाहरुलाई कानुन अनुसार कारबाही गरी छाडिने ट्राफिक प्रहरीले जनाएको छ ।