राजु थापा

कालिका फागुन १८ ।

 

हरियो बन कार्यक्रम ले आज चितवनका सञ्चारकर्मीहरुलाई आगलागी नियन्त्रण सचेतीकरण तथा अन्तक्रिया कार्यक्रम सम्पन्न भएको छ । कार्यक्रममा बन डढेलो विज्ञ तथा नवलपरासीका बन अधिकृत दुर्गा बहादुर कार्कीले सहजीकरण गर्नुभएको थियो ।

 

उहाँले सहभागीहरुलाई बनमा आगलागी हुनुका कारण, डढेलोको बर्गीकरण, नेपालमा डढेलो लाग्नुका कारण र पुर्वाधार, बन डढेलोको परिणाम, रोकथाम तथा नियन्त्रण लगायतका बिषयमा प्रशिक्षण दिनुभएको थियो ।

 

युएसएडको आर्थीक सहयोगमा सामुदायीक बन उपभोक्ता महासंघ नेपालको आयोजनामा महासंघको चितवन शाखामार्फत सञ्चालन भएको कार्यक्रममा महासंघका जिल्ला अध्यक्ष सुरविर पोखरेलको अध्यक्षता रहेको थियो । कार्यक्रममा चितवनमा कार्यरत २० जना सञ्चारकर्मीको सहभागीता रहेको थियो ।