राजु थापा 

कालिका फागुन १८ ।

नेपाल सुकुम्बासी सुधार समिति रत्ननगरले सुकुम्वासीको समस्याका बारेमा छलफल तथा अन्र्तक्रिया कार्यक्रम सम्पन्न भएको छ ।

 

आकृति महिला बचत तथा रिण् सहकारी संस्था र रत्ननगरका सुकुम्वासीहरुको संयुक्त आयोजनामा भएको कार्यक्रममा चितवन क्षेत्र नम्बर २ का सभासद शेषनाथ अधिकारी सामु आफ्नो समस्या छिटो समाधान गरिदिनुहुन् आग्रह गरिएको थियो ।

 

रत्ननगरका सुकुम्वासीले चुनाव अधि सबैले आफ्नो समस्या समाधान गर्छु भने पनि अहिले सुकुम्वासी आयोग समेत बिधटन भएकोले आक्रोश ब्यक्त गरेका थिए ।

 

कार्यक्रममा नगरपालिकाका संस्थापक अध्यक्ष नारायण वन, आकृति बचतकी अध्यक्ष पंच कुमारी गुरुङ, पार्टीका प्रतिनिधिहरुको उपस्थिति रहेको थियो भने करिव ५ सय भन्दाबढी सुकुम्वासीहरुको सहभागीता रहेको थियो ।