सविता  दराई कालिका फागुन–१६

भरतपुर ११ पोखरी चोकमा सरससफाई सम्बिन्धि अभिमुखीकरण कार्यक्रम भएको छ । पोखरी टोल विकास संस्था, नेपाल मैत्री समाज, र नयाँ सृष्टि महिला समाजको संयुक्त आयोजनामा टोलका बालबालिका  तथा महिलाहरुलाई वातावरण सम्बन्धि सशत्तिकरणका लागी अभिमुखीकरण कार्यक्रम गरीएको थियो ।

भरतपुर उपमहानगर पालिकाका सामाजिक अधिकृत तुलसि श्रेष्ठ, नेपाल मैत्री समाजका अध्यक्ष विरेन्द्र पौडेल,  एग्रिकल्चरका विधार्थी ईश्वरा ढुङानाले सहजीकरण गर्नु भएको कार्यक्रममा  भरतपुर ११ वासी र पोखरी टोलका सवै बासिन्दाको उपस्थिति रहेको थियो । कार्यक्रममा टोलका बालबालिका तथा महिला सवैलाई वातावरण सम्बन्धि  जानकारी तथा टोल सरसफाई पनि गरीएको थियो ।

भरतपुर उपमहानगर पालिकाका वातावरण अधिकृत सुरज पौडेलको प्रमुख आतिथ्यतामा भएको कार्यक्रममा नारायणी नगर पालिकाका कार्यकारी अधिकृत रमेश सुवेदीले वातावरण  सफा राख्न सरकारको मुख नताकि ब्यक्ति स्वयंम बाट सुरु गर्नु पर्ने बताउनु भयो यस्तै सुइडेनका सामाजसेवी कलस बोरनले पनि बातावरण सफा राख्यौ  भने जिवन खुसी हुने बताउनु भएको छ ।यस्तै अतिथि नयाँ किरण माविका प्रधानाध्यापक रामेश्वर अधिकारीले पनि वातावरण सरसफाई मा ध्यान दिनु पर्नै बताउनु भएको छ।

पोखरी टोल विकास संस्थाकी अध्यक्ष चन्द्रा खड्काको अध्यक्षता रहेको कार्यक्रममा नेपाल मैत्री समाजका सह– सचिव मोती तिवारीले कार्यक्रम सञ्चालन गर्नु भएको थियो ।