१६ फागुन,चितवन,कालिका (राजु सापकोटा)–

नेपाल अण्डा उत्पादक केन्द्रिय संघ पोल्ट्रि महासंघबाट औपचारीक रुपमा अलग भएको छ । चितवनको भरतपुरमा आज (शनिवार) पत्रकार सम्मेलनको आयोजना गरी संघले महासंघबाट औपचारीक रुपमा अलग भएको जानकारी गराएको हो । 

 

संघको निति नियम महासंघले नमानेका कारण बाध्य भएर आँफुहरु बाहीरीनुपरेको अध्यक्ष शिबराम केसीले पत्रकार सम्मेलनमा जानकारी दिनुभयो । महासंघबाट अलग भएपनि तत्काल छुट्टै कुनै समानान्तर संघ बनाउने निर्णय आँफुहरुले नगरेको अध्यक्ष केसीले स्पष्ट पार्नुभयो । 

 

अण्डा उत्पादक केन्द्रिय संघ जिम्मेवार सदस्य भएता पनि महासंघका अध्यक्षले प्रत्येक निर्णय एकलौटी रुपमा गरेको र ब्यवसायीको हित बिपरित निर्णय गरीएको संघका अध्यक्ष केसीको आरोप छ ।

 

ब्यवसायीको हक हितका लागी भन्दै लिने गरीएको लेवी रकम समेत महासंघले तिर्न अस्विकार गरेका कारण हिजो सम्पन्न दोश्रो साधारण सभा समेत बहिस्कार गरेको संघले स्पष्ट पारेको छ । हिजो सम्पन्न साधारणसभाले गुणचन्द्र बिष्टलाई थप २ बर्षे कार्यकालका लागी अध्यक्षमा चयन गरेको थियो । 

 

संघले आँफ्नो सकृयतामा राहत कोषका लागी बिगत लामो समयदेखी अण्डा बितरकसंग प्रतिपेटी ३ र उत्पादकसंग प्रतिपेटी १ रुपैयाँ लेवी लिँदै आएको थियो । आँफुहरुसंग आबद्ध सदस्यरुबाट उत्पादीत ४ हजार कार्टुन अण्डा हरेका दिन बजारमा ल्याईँदा लेवी बुझाईएको तर महासंघका केहि जिम्मेवार  पदाधीकारीहरुले प्रत्येक दिन उत्पादन गर्ने १ सय ६० कार्टून अण्डा लेवी नै नतिरी बजारमा खुल्लम खुल्ला बिक्रि भईरहेको बताईएको छ । 

 

अहिले देशभरीका अण्डा उत्पादक किशान घाटामा गईरहेको भन्दै ब्यवसाय प्रवद्र्धनका लागी सरोकारवाला पक्ष जिम्मेवार हुनुपर्नेमा संघले जोड दिएको छ ।  एउटा अण्डा उत्पाद गर्न ९ रुपैयाँ २७ पैसा लागत लाग्ने गरेको तर घाटा खाएर ७ रुपैयाँ ५० पैसामा बिक्रि गर्ने गरीएको संघका अध्यक्ष केसीले गुनासो गर्नुभयो ।