कालिका ,फागुन ११ ।

आईतबार देखि शुरु भएको चलचित्र निर्माण कार्याशाला गोष्ठी आज दोस्रो दीन पनि जारी रह्यो ।

 

मोफशलमा बसेर पत्रकारीता गर्ने चलचित्र पत्रकारको क्षमता अभिवृद्धी गर्ने उदेश्यले शुरु भएको कार्याशालामा चिलचित्र निमार्णको क्रममा पट कथा कसरी लेखिन्छ ,पात्रको छनोट तथा मौलिक विषयमा कसरी चलचित्र निमार्ण गर्ने लगाएतका विषयमा प्रशिक्षण दिएको छ ।

 

कार्याशालामा चलचित्र निर्देशक मजोज पण्डीतेले प्रशिक्षण दिईरहनुभएको छ  । पण्डीतले नेपाली चलचित्र उद्योगलाई दासढुङगा, बधशाला, जस्ता सफल चलचित्र दिएको छ भने ग्रेटर नेपाल जस्तो ऐतिहासिक पृष्ठभुमि बोकेको बृतचित्र निर्माण गरीसकेका छन् । लाईन्स क्लव अफ नारायणगढको आयोजना तथा चलचित्र पत्रकार संघ चितवन शाखाको संयोजनमा कार्यक्रम संचालन भएको हो ।

 

 कार्याशालाका संयोजन पुष्प श्रेष्ठले गर्नु भएको छ  । कार्यक्रममा चितवनका विभिन्न संञ्चार माध्यामका पत्रकार तथा कथाकारहरु गरी ३० जना को सहभागीता रहेको छ ।