कमला गुरुङ, कालिका माघ १५–

५३ औ राष्ट्रिय नर्सिङ दिवस आज चितवनमा पनि विविध कार्यक्रम गरी मनाइएको छ । दिवसको अवसरमा चितवन मेडिकल कलेज अफ नर्सिङले आज प्रभातफेरी र्याली निकालेको छ ।

 

गुणस्तरीय नर्सिङ शिक्षा सेवा रोजगार आजको आवश्यकता, नीति निर्माणमा नर्सको पहुच र अनिवार्य सहभागिता भन्ने दिवसको मुल नारा रहेको छ । 

 

कार्यक्रमका सभापति एवम् चितवन मेडिकल कलेज अफ नर्सिङका प्रिन्सिपल मिलन लोप्चनले उपचार र बिरामीको हेरचाहमा नर्सहरुको भूमिका महत्वपूर्ण हुने बताउनु भएको छ । 

 

यस्तै, अस्पतालका चियरम्यान डा. हरिशचन्द्र न्यौपाने, डायरेक्टर दयाराम लम्साल, एसोसिएट प्रोफेसर ममता शर्मा न्यौपाने लगायतको कार्यक्रममा उपस्थिति रहेको थियो । साथै आज नै अस्पतालमा रहेका प्रत्येक वाडका विरामीहरुलाई हात धुने तरिका समेत सिकाइएको छ ।