राजु थापा, माघ १३, कालिका,

 

चितवन जिल्लाबाट पहिलो पटक २७ विधार्थीले  प्राविधिकधार तर्फ कृषि बिषयमा एस. एल. सी. दिदैछन्। नेपाल उच्च माध्यामिक विधालय रत्ननगरमा अध्ययनरत १३ छात्र र १४ छात्राले सो विषयमा परिक्षा दिने भएका हुन् ।

 

नेपाल सरकारले देशभरका ९९ स्कुललाई अनुमति दिई प्राविधिकधार बाट २०७० सालदेखि पढाईशुरु गरेको छ । यस्तै यसै वर्ष बाट ग्रेडिङ तरिकाबाट लब्धाङपत्र दिन लागेको प्राविधिक क्षेत्रमा कृषि र ईन्जिनियरका ५ वटा विषयमा एस.एल.सी. दिने भए पनि चितवनमा कृषिको प्लान्ट विज्ञान विषयमा मात्र पढाई हुने भएकोले सोहि विषयमा एस. एल. सी. दिदैछन् । यस धारमा सामान्य विषय भन्दा २ सय बढी पुर्णाङक हुन्छ भने पासमार्क समेत ८ नम्बर बढी ल्याउन पर्ने हुन्छ । 

 

यस वर्ष चितवनबाट नियमित तर्फ १० हजार २ सय ७० जना र एक्जाम्टेड तर्फ १ हजार ६ सय ७ जना  विधार्थीहरुले एस. एल सी. परिक्षाको लागि आवेदन भरेका छन् ।  आवेदन भरेता पनि २०७१ माघ मसान्त सम्ममा प्रयोगात्मक नम्बर ब्यबस्थित तरिकाले फारम भरि नबुझाएमा, एक विधार्थीको ५ सय रुपैयाका दरले बैकमा राजस्व दाखिला नगरेमा र ७५ प्रतिशत हाजिर नपुगेमा सो विधार्थी स्वंत अयोग्य हुने जिल्ला शिक्षा कार्यालय चितवनका परिक्षा शाखा अधिकृत रघुनाथ अधिकारीले कालिका एफ एम लाई बताउनु भएको छ ।

 

चैत महिनाको ५ गतेबाट शुरुहुने एस.एल.सी.को लागि प्रमुख जिल्ला अधिकारीको संयोजकत्वमा परिक्षा केन्द्र निर्धारण समिति गठन भईसके पनि हालसम्म परिक्षा केन्द्र भने निर्धारण भईसकेको छैन् ।