द्वारिका नेपाल, भरतपुर ५, चैत्र । 

उपराष्ट्रपति नन्दबहादुर पुनले आज पद तथा गोपनीयताको सपथ लिनुभएको छ। राष्ट्रपति कार्यालय शितल निवासमा भएको विशेष  समारोहमा उपराष्ट्रपति पुनले राष्ट्रपति विद्यादेवी भण्डारीबाट शपथ लिनुभएको हो । उपराष्ट्रपतिले आजै आफ्नो कार्यालयमा पदबहाली गर्ने कार्यक्रम समेत रहेको छ । 

कार्यक्रममा प्रधानमन्त्री केपी शर्मा ओली, कायममुकायम प्रधानन्यायाधीश दीपक कुमार जोशी विदेशी कुटनीतिक नियोगका प्रमुख तथा प्रतिनिधिलगायतको उपस्थिति रहेको थियो । 

पुन दोस्रो कार्यकालका लागि उपराष्ट्रपतिमा निर्वाचित हुनुभएको हो । यसअघिको कार्यकालमा शालीन व्यक्तित्वको पहिचान बनाउनुभएको थियो । उहाँ हिजो उपराष्ट्रपतिमा निर्वाचित हुनुभएको थियो । 

राष्ट्रपति विद्यादेवी भण्डारीबाट सपथ लिँदा उहाँले ईश्वरको नाम शब्द उच्चारण गर्नुभएन ।