उद्धव घिमिरे, विराटनगर,  फागुन २८ । नेकपा एमालेका नेता एंव पुर्व प्रधानमन्त्री माधवकुमार नेपालले दलहरुविच आउँदो जेठ–१५ गते संविधान जारी गर्नेगरी सहमती हुनुपर्ने बताउनु भएको छ ।

 

सुनसरीको धरानमा यातायात ब्यवसायीहरुको कार्यक्रममा सहभागी हुन आउनु भएका विराटनगर विमानस्थलमा आज  संचारकर्मीहरुसंग कुरागर्दै नेता नेपालले सहमतीको नाममा अलमल्याउन नमिल्ने भएकाले अव सार्थकवार्ताको माध्यमा जेठ–१५ मा संविधान जारीगर्ने गरी सहमती हुनुपर्ने उल्लेख गर्नुभयो । 

 

संविधान ऐतिहासीक दस्तावेज भएकाले जेठ–१५ गते गणतन्त्र दिवसको दिन जनतालाइ नया संविधान दिनपुर्ने उहाको भनाइ थियो । नेता नेपालले माघ–५ गते दलहरु विच भएको सहमतीवाटै वार्ताको प्रारम्भ हुनुपर्नेमा जोड दिनुभयो ।

 

उहाले वार्ता र छलफलका लागी दलहरु आफैले आलटाल र ढिलासुस्ति गरी रहेको उल्लेखगर्दै  रातरहे अगराठ पलाउँछ भनेझै  दलहरु विचको वार्ता र छलफल ढिला भए फेरी दलहरु विच दुरी वढ्ने भएकाले चाँडै वार्ता गरेर मुलुकलाइ निकास दिनुपर्ने बताउनुभयो ।

 

 उहाले आज सहमती गरेर भोली उल्टाउने खालका विगतमा धेरै सहमती भएकाले संविधान निर्माणमा अव गरिने सहमतीलाई दस्तावेजको रुपमा सिलबन्दि गर्नुपर्ने बताउनुभयो ।उहाँले वाहिर हल्ला चलेजस्तो सरकार परिवर्तनको संभावना नरहेको प्रष्ट पार्नुभयो ।

 

नेता नेपालले सरकार परिवर्तनको खेलमा लागे संविधान निर्माण ओझेलमा पर्ने भएकाले सरकार परिवर्तनको खेलमा कोहीपनी लाग्न नहुने बताउनुभयो । नेता नेपालले मोरङमापनि आजै पार्टी कार्यकर्ता भेलालाई संवोधन गर्ने कार्यक्रम रहेको जनाइएको छ ।