भीमदत्तनगर, २७ फागुन ।

उपप्रधान तथा स्थानीय विकास मन्त्री प्रकाशमान सिंहले सहमतिमा संविधान निर्माण हुने भए काँगे्रस राष्ट्रिय सहमतिको सरकार गठनका लागि तयार रहेको बताउनुभएको छ । 

 

नेपाल प्रेस युनियन डडेल्धुराले मङ्गलबार साँझ गरेको पत्रकार सम्मेलनमा उहाँले सहमतिमा संविधान जारी गर्नका लागि काँग्रेस लागिपरेको बताउनुभयो । 

 

सहमतिको प्रयास अझै जारी रहेको भन्दै मन्त्री सिंहले सहमति नभए प्रक्रियाबाटै भए पनि संविधान जारी गरी छाड्ने ठोकुवा गर्नुभयो । 

 

प्रक्रिया बिर्सिदा पहिलो संविधानसभा विघटन भएको बताउँदै उहाँले त्यस्तो गल्ती यो पटक पनि गर्न नसकिने धारणा राख्नुभयो । 

 

मन्त्री सिंहले संविधान निर्माणका लागि सबै दल एक हुन आवश्यक रहेकोसमेत औँल्याउनुभयो । रासस