२५ फागुन, काठमाडौं 

एकीकृत नेकपा माओवादी अध्यक्ष पुष्पकमल दाहाल प्रचण्ड र नेपालका लागि अमेरिकी राजदूत पिटर डब्लू बोडीबीच भेटवार्ता भएको छ ।

 

भेटघाटका लागि बोडे सोमबार बिहानै प्रचण्ड निवास लाजिम्पाट पुगेका थिए । राजदूत बोडीले संविधान निर्माण प्रक्रिया र दलहरुबीच भैरहेको सहमतिको प्रयासबारे चासो राखेका थिए ।

 

 जवाफमा प्रचण्डले आफूहरु सहमतिको लागि तयार भएरै आन्दोलन स्थगित गरी वार्तामा बसेको भन्दै सत्तापक्ष वार्ताको लागि गम्भीर नदेखिएको बताए ।

 

भेटवार्तामा समसामयीक राजनीतिक परिस्थितिबारे छलफल भएको प्रचण्डको निजी सचिवालयले जानकारी दिएको छ ।