काठमाडौँ, २२ फागुन ।

विभिन्न राजनीतिक दलका नेताले शनिबारदेखि सुरू हुने दलहरुको औपचारिक वार्ताले संविधानका विवादित विषयमा सहमति जुटाउने विश्वास व्यक्त गर्नुभएको छ । 

रिपोटर्स क्लबद्वारा यहाँ आज आयोजित अन्तक्र्रियामा दलका नेताले मुख्य शीर्ष नेताले लचकता अपनाउँदै वार्ताको पहल गरेको अवस्थामा अबको साता÷दश दिनभित्रमा विवादित विषयमा सहमति हुने सङ्केत देखिएको धारणा राख्नु भयो । 

 

आज विहान प्रधानमन्त्री सुशील कोइराला र एकीकृत नेकपा ९माओवादी० का अध्यक्ष पुष्पकमल दाहालबीचको वार्ताले सहमतिको आधार तय गरेको उहाँहरूको भनाइ छ । 

 

नेपाली काँग्रेसका नेता आनन्दप्रसाद ढुङ्गानाले माघ ५ गते दलहरुबीच भएको सहमतिबाट नै वार्ता सुरू हुने र त्यही बीचमा आएको मध्यमार्गी प्रस्तावबाट टुङ्गो लगाइने बताउनुभयो । 

 

संविधानका विवादित विषयहरु शासकीय स्वरुप, निर्वाचन प्रणाली र न्यायप्रणालीमा लगभग सहमति भइसकेको अवस्थामा राज्य पुनःसंरचनाबारे सबै दलले लचकता अपनाउनुपर्ने उहाँको भनाइ छ । 

 

एमाओवादीका नेता अग्निप्रसाद सापकोटाले सबैका अधिकार सुनिश्चित गरी समयमै संविधान जारी गर्ने उद्देश्यका निम्ति आफ्नो पार्टी सार्थक वार्ता गर्न तयार रहेको स्पष्ट पार्नुभयो । उहाँले प्रधानमन्त्रीले वार्ताको लागि गरेको सकारात्मक पहल स्वागत योग्य भएको टिप्पणी गर्नुभयो । 

 

नेकपा ९एमाले०का केन्द्रीय सदस्य डा राजन भट्टराईले तत्काल टुङ्गो लगाउन नसक्ने संविधानका विवादित विषयलाई थाँती राखेर भएपनि जेठ १५ गतेभित्रै संविधान जारी गर्नुको विकल्प नभएको जिकिर गर्नुभयो । 

 

मधेसी जनअधिकार फोरम नेपाल ९लोकतान्त्रिक० का उपाध्यक्ष रामेश्वरराय यादवले शनिबार हुने दलहरुको बैठक परिणाममुखी हुने आशा व्यक्त गर्नुभयो । रासस