काठमाण्डौँ फागुन २२ ।

 

सत्तारुढ दल र विपक्षी मोर्चाबीच भोलि औपचारिक वार्ता हुने भएको छ । प्रधानमन्त्री सुशील कोइराला र एकीकृत नेकपा माओवादीका अध्यक्ष पुष्पकमल दाहालबीच आज भएको भेटवार्तामा भोलि बिहान ९ बजे प्रधानमन्त्री निवास बालुवाटारमा दुई पक्षबीच वार्ता गर्ने सहमति भएको हो ।

 

प्रधानमन्त्री कोइरालालाई भेट्न बालुवाटार पुगेका एकीकृत माओवादीका अध्यक्ष दाहालले सत्तारुढ दलस“ग वार्ता गर्न विपक्षी मोर्चा तयार रहेको जानकारी गराएपछि वार्ताको समय तय भएको हो । एकीकृत माओवादी अध्यक्ष दाहालले सत्तारुढ दलस“ग वार्ता गर्ने ३० दलीय मोर्चाले गरेको निर्णयबारे प्रधानमन्त्री कोइरालालाई जानकारी दिनुभएको थियो ।

 

सत्तारुढ दल सहमतिबाटै संविधान जारी गर्न तयार भएपछि विपक्षी मोर्चा पनि वार्ताका लागि तयार भएको हो ।