पवन पौडेल

 फागुन १९ तनहुँ ।

आफ्नो जिम्मेवारी पुरा गर्न नसकेको स्विकार गर्दै राप्रपा नेपालले कार्यकर्तामाझ संविधान नबन्नुको कारणबारे बताउँदै जिल्लामा अन्र्तक्रिया थालेको छ ।

 

अन्र्तक्रियाका क्रममा दमौली आइपुगेका दलका नेताहरुले ठूला दलको मिच्याइंमा परेर जनताले दिएको जिम्मेवारी अनुसार संविधान दिन नसकिएको बताए । उनीहरुले संविधान नबन्नुमा सत्ता पक्षको मिच्याइं र विपक्षीको बेमेलले काम गरेको बताए । 

 

कार्यक्रममा हिन्दू धर्म, संघीयता र राजसंस्थाका विषयमा जनमतसंग्रह हुनुपर्ने आफ्नो एजेण्डालाई जनताले साथ दिएको भए पनि संविधानसभाको प्रश्नावली समितिमा राख्न खोज्दा नसुनिएकाले समितिको बैठक बहिष्कार गरेको पार्टीका महामन्त्री चन्द्रबहादुर गुरुङले बताए । 

आफूहरुको बहिष्कारपछि सत्तासीन पक्ष र विपक्षी पक्ष झन् मिल्न नसकेको र संविधान नबन्ने अवस्था पैदा भएको उनले बताए ।

 

कार्यक्रममा पार्टीका सभासद सुशीलकुमार श्रेष्ठ, केन्द्रीय सदस्य राजाराम बर्तौला, मदिना खातुन लगायतले आफूहरुको प्रयासका बाबजुद जनताको इच्छाअनुसार संविधान दिन नसकिएको भन्दै यो कुरा कार्यकर्तासमक्ष पु¥याउन आफूहरु हिंडेको बताए ।

 

पार्टीका जिल्ला अध्यक्ष कृष्णप्रसाद पौडेलको अध्यक्षतामा सम्पन्न कार्यक्रममा सचिव विजयकुमार शाही, कोषाध्यक्ष हरिमाया श्रेष्ठ लगायतले जनताको अपेक्षा अनुसार संविधान नआएकाले जनता निरास भएको बताए ।संविधान बन्न नसक्नुका कारण र पार्टीको भूमिका प्रष्ट्याउन देशैभर कार्यकर्तासंग भेट र अन्र्तक्रिया गरिने पार्टीले जनाएको छ ।